Երգչուհի Սիրուշոն երեկ նոր երգ է ներկայացրել՝ «Let It Out», որին արդեն հասցրել է անդրադառնալ միջազգային հեղինակավոր մամուլը։
«Սիրուշոն թելադրում է խաղի իր կանոնները»,- գրում է «Clash» պարբերականը։ Այն պրեմիերան անվանել է ամառային հիմն, որը «խորասուզվում է երգչուհու ժառանգության մեջ՝ օգտագործելով ժամանակակից լավագույն արտադրությունը»։
Աշխատանքը ստեղծվել է երգիչ, երգերի հեղինակ, ձայնագրման պրոդյուսեր RedOne-ի հետ, որն աշխատել է աշխարհահռչակ բազմաթիվ երգիչների հետ։
«Red-ի հետ ստուդիայում փակված ենք եղել մի ամբողջ օր՝ փորձելով ստեղծել երաժշտություն, որը մեզ կստիպեր պարել և կդառնար երգ յուրաքանչյուրի համար՝ լողափին լսելու համար։ Երբ ավարտել էինք ձայնագրությունը, բոլորս հիացած էինք և պարում էինք սենյակում»,- մեկնաբանել է երգչուհին։
