Հայտնի է դարձել, որ Բրիթնի Սփիրսի նախկին բոյֆրենդը՝ Ջասթին Թիմբերլեյքը, ցանկանում է անձամբ հանդիպել երգչուհուն, որպեսզի ներողություն խնդրի իրենց բաժանման համար, որը տեղի է ունեցել գրեթե 20 տարի առաջ:
Ջասթին Թիմբերլեյքը ցանկություն է հայտնել անձամբ աջակցել երգչուհուն: «Ջասթինն ուրախ է, որ Բրիթնին այժմ ապրում է իր ուզած կյանքով: Նա կցանկանար անձամբ խոսել նրա հետ, եթե նա ցանկանա»,- HollywoodLife-ին ասել է աղբյուրը:
Երգչուհու շատ երկրպագուներ մինչ օրս կարծում են, որ Ջասթինը նրանցից մեկն է եղել, ով Բրիթնիին հասցրել է նյարդային խանգարման:
Նշենք, որ Ջասթինը բազմիցս ներողություն է խնդրել և աջակցել Բրիթնիին: Օրինակ, անցյալ ամառ երգիչը թվիթերում գրել էր հետևյալը. «Այն ամենը, ինչ կատարվում է նրա հետ, սխալ է: Ոչ մի կնոջ չպետք է արգելվի ինքնուրույն տնօրինել սեփական մարմինը: Իր կամքին հակառակ ոչ մեկին չի կարելի պահել: Ոչ ոք չպետք է թույլտվություն խնդրի անելու այն ամենը, ինչի համար նա այդքան տքնաջան աշխատել է»:
