Twitter-ի օգտատերերը «Եվրատեսիլ»-ի շվեդ հաղթող Լորինին կասկածել են գրագողության համար։
Մասնավորապես, համացանցի օգտատերերն ուշադրությունեն դարձրել այս տարի մրցույթում հաղթած երգի՝ Լորինի Tattoo-ի և ուկրաինացի երգչուհի Միկա Նյուտոնի В плену երգի ակնհայտ նմանությանը: Հատկանշական է, որ ուկրաինուհու երգը թողարկվել է դեռևս 2005-ին, գրում է ՌԻԱ «Նովոստի»-ն:
«Սա միանշանակ գրագողություն է»,- գրել է օգտատերից մեկը։
«Առաջին ակորդից հասկացա՝ ինչ-որ բան այն չէ», – շարունակել է երկրորդը:
«Հնարավորինս կեղծվել է, հաղթողը պարզ էր հենց սկզբից»,- համոզմունք է հայտնել մյուս օգտատերը։
Ինքը՝ В плену երգի հեղինակը, երբ սոցցանցերում երկրպագուները սկսել են նրան համապատասխան հարցեր տալ Լորինի երգի մասին, փորձել է խուսափել պատասխանից.«Ընկերներ, ես չեմ մեկնաբանի սա: Ես չեմ ուզում դրամա սկսել. ես դրա կարիքը չունեմ: Կյանքը չափազանց կարճ է վիճելու համար՝ երգերը նույն հնչողությունն ունեն, թե ոչ: Ձեզանից ոմանք այդպես են կարծում, ոմանք՝ ոչ: Իմ երգը լույս է տեսել 2005 թվականին: Խնդրում եմ, դադարեցրեք ինձ գրոհել հաղորդագրություններով»:
Հիշեցնենք, որ «Եվրատեսիլ 2023» երգի մրցույթում հաղթել է Շվեդիայից երգչուհի Լորինը՝ Tattoo երգով: Պրոֆեսիոնալ ժյուրիի և հեռուստադիտողների համատեղ քվեարկությունից հետո նա հավաքել է 583 միավոր։ Երկրորդ տեղում է Ֆինլանդիան, իսկ երրորդում՝ Իսրայելը:
