ԽՈՅ (Aries, 21.III–20.IV)
Եթե օրն սկսեք ամենակարևոր հարցերը լուծելուց, ապա այն շատ արդյունավետ կանցնի: Աշխատեք դատարկ բաների վրա չշեղվել, թույլ մի տվեք շրջապատողներին շեղել ձեզ: Ամենանկատելի հաջողություններին կկարողանաք հասնել երևակայություն, հնարամտություն ու ստեղծագործ մոտեցում պահանջող գործերում:
Օրը բարենպաստ կլինի նաև գնումների համար, հատկապես այնպիսի իրեր ձեռք բերելու, որոնցից պիտի մտերիմների հետ միասին օգտվեք: Կարող եք նաև քննարկել ընտանեկան ծրագրերը, հարազատների հետ պայմանավորվել համատեղ գործողությունների մասին:
ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4։
ՑՈՒԼ (Taurus, 21.IV–21.V)
Օրը բարենպաստ կլինի շփումների համար. լավ կանցնեն և՛ գործնական, և՛ անձնական հանդիպումները: Աշխատանքային հարցերի քննարկումն էլ ավելի հանգիստ ու կառուցողական կանցնի, քան սպասում էիք: Ձեզ հետ անսպասելիորեն կհամաձայնեն մարդիկ, որոնք նախկինում ձեր համարյա բոլոր գաղափարները քննադատել են:
Օրվա առաջին կեսին հավանական են անսպասելի դրամական մուտքեր, ընդ որում՝ խոսքը կարող է բավական մեծ գումարի մասին լինել: Հետո կգա չծրագրված ծախսերի, սպոնտան գնումների ժամանակը: Շատ Ցուլեր հակված կլինեն թեթևամտության ֆինանսների հետ կապված հարցերում, ուստի զուր ծախսերը չեն բացառվում:
ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։
ԵՐԿՎՈՐՅԱԿՆԵՐ (Gemini, 22.V–21.VI)
Օրվա սկիզբն անհանգիստ կանցնի: Անկայուն հուզական դաշտի պատճառով շատ բան սրտին մոտ կընդունեք: Հավանական են դժվարություններ շփման մեջ: Նույնիսկ շրջապատողների ամենաանմեղ նկատողությունները ձեզ կարող են վիրավորական թվալ: Սակայն շատ շուտով դրական միտումների ազդեցությունը կուժեղանա, դուք ձեզ ավելի ինքնավստահ կզգաք, ուրախության առիթներ կգտնեք:
Օրվա երկրորդ կեսի իրադարձությունները կբարձրացնեն ձեր տրամադրությունը, որոշ հին երազանքներ իրականություն կդառնան: Այս հատվածը հարմար կլինի նաև և՛ աշխատավայրում, և՛ անձնական հարաբերություններում նախաձեռնող լինելու համար:
ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։
ԽԵՑԳԵՏԻՆ (Cancer, 22.VI–22.VII)
Աշխատեք առավոտվանից դատարկ բաների վրա չբարկանալ. դա էլ բավարար կլինի, որպեսզի ողջ օրը լավ անցնի: Կարող եք նոր գործեր ստանձնել, եթե դրանք ձեզ իսկապես հետաքրքրում են: Աստղերը խոստանում են, որ դուք ոչ միայն հաջողության կհասնեք, այլև փորձ ձեռք կբերեք, որը շուտով անպայման պետք կգա:
Զգույշ է պետք լինել գումարի հետ կապված հարցերում: Լավ է հետաձգեք չծրագրված գնումները, գործարքներ չկնքեք առանց բոլոր պայմանների շուրջ ինչպես հարկն է մտածելու: Իսկ ահա անձնական հարաբերություններում կգերակշռեն դրական միտումները: Որոշ սիրահարված Խեցգետիններ իրենց իսկապես երջանիկ կզգան:
ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։
ԱՌՅՈՒԾ (Leo, 23.VII–23.VIII)
Աշխատանքի հետ կապված լավ գաղափարներ կունենաք, սակայն դրանց իրագործման հարցում լավ է չշտապեք: Նախ մտածեք, թե ով կարող է ձեզ օգնել մտածածը կյանքի կոչելու հարցում, քանի որ միայնակ գլուխ հանել չեք կարողանալու: Լավ է հին ծանոթներին ապավինեք: Նոր ծանոթների համար դժվար կլինի հասկանալը, թե ինչ և ինչպես է պետք անել:
Ամեն անգամ հարթ չեն լինի մտերիմների հետ հարաբերությունները, կարող են հիշվել հին վիրավորանքները: Լավ է հետաձգեք բարդ զրույցները, աշխատեք կենտրոնանալ նրա վրա, ինչը ձեզ միավորում է այլ մարդկանց հետ: Ընդհանուր նպատակներն ու հետաքրքրությունները կօգնեն մոռանալ անցյալի տհաճ պահերի մասին:
ԲԻԶՆԵՍԸ՝ 5, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5:
ԿՈՒՅՍ (Virgo, 24.VIII–23.IX)
Օրվա սկիզբը կարող է բարդ լինել հատկապես այդ հատվածի համար մեծ ծրագրեր ունեցող Կույսերի համար: Դժվար կլինի գործերի վրա կենտրոնանալն ու ոչինչ աչքաթող չանելը: Լավ է միայնակ չգործեք, այլ հին ծանոթներից մեկի հետ միավորեք ջանքերը: Հուսալի համախոհների աջակցությամբ դուք ձեզ ավելի ինքնավստահ ու հանգիստ կզգաք:
Օրվա երկրորդ կեսը բազում հնարավորություններ կբացի: Նշանի ներկայացուցիչները, որոնք չեն վախենա լրիվ նոր բան ստանձնել, արագ հաջողության կհասնեն: Հավանական են հաճելի անակնկալներ ու լավ նորություններ:
ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։
ԿՇԵՌՔ (Libra, 24.IX–23.X)
Առավոտյան հանգստություն պահպանելը հեշտ չի լինի: Հուզական դաշտը լարված կլինի, ուստի կարող եք մանրուքների պատճառով անհանգստանալ, նույնիսկ եթե առողջ բանականությունը հուշի, որ հուզվելու բան չկա: Լավ է այս հատվածի համար կարևոր գործեր չծրագրեք: Դրանք ստանձնելու հարմար պահը հետո կգա:
Օրվա երկրորդ կեսը առաջինից հանգիստ ու արդյունավետ կանցնի, ձեզ մոտ շատ բան լավ կստացվի: Այն բարենպաստ կլինի նաև շփումների համար: Դուք արագ լեզու կգտնեք նոր ծանոթների հետ, իսկ մտերիմներին կես խոսքից կհասկանաք:
ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4:
ԿԱՐԻՃ (Scorpius, 24.X–22.XI)
Համառ եղեք, քանի որ առանց դրա դրված նպատակներին հասնել հազիվ թե հաջողվի: Ամեն բան ուզածի նման չի ստացվի, բայց անհաղթահարելի խոչընդոտներ ձեր ճանապարհին չեն առաջանա: Դուք հրաշալի գլուխ կհանեք ցանկացած գործից, կողքից օգնություն չեք սպասի, ավելի շատ սեփական ուժերին կապավինեք, քան հաջող պայմաններին:
Օրվա առաջին կեսը լավ է նվիրեք ծանոթ գործերին, իսկ ահա երկրորդին կարող եք լրիվ նոր բան ստանձնել: Երեկոն բարենպաստ կլինի հին ընկերների կամ ձեզ համար շատ թանկ մարդկանց հետ հանդիպելու համար:
ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։
ԱՂԵՂՆԱՎՈՐ (Sagittarius, 23.XI–21.XII)
Անկախ նրանից, թե ինչպես կդասավորվի օրը, աշխատեք պահպանել ինքնատիրապետումն ու կշռադատված որոշումներ ընդունել: Շուրջը կարող է խառնաշփոթ իշխել, բայց դա ձեզ չի խանգարի իրագործել ավելի վաղ մտածածը: Կարևոր կլինի որոշումներն ինքնուրույն ընդունելն ու իրենց կամքը ձեզ պարտադրող մարդկանց ճնշումներին չտրվելը:
Առավոտյան հնարավոր են փոքրիկ թյուրիմացություններ: Բայց ժամանակի ընթացքում դրական միտումների ազդեցությունը կուժեղանա, դուք կզգաք, որ ցանկացած գործ անելը հեշտացել է: Երեկոյան որոշ Աղեղնավորներ կկարողանան հանդիպել մարդկանց, որոնց շատ կարոտել էին:
ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։
ԱՅԾԵՂՋՅՈՒՐ (Capricornus, 22.XII-20.I)
Ինտուիցիան կհուշի, որ ցանկացած գործի այսօր արժե լուրջ մոտենալ, և այն չի սխալվի: Հենց նման մոտեցումը թույլ կտա հաջողության հասնել այնտեղ, որտեղ երկար ժամանակ ոչինչ չի ստացվել: Նոր առաջադրանքները լուծելն էլ դժվար չի լինի: Հին համախոհներն ու պարզապես լավ ծանոթները հաճույքով կօգնեն ձեզ, սեփական փորձն էլ պետք կգա:
Օրը հարմար կլինի այն մարդկանց հետ շփվելու համար, որոնց առաջին անգամ կհանդիպեք: Բարենպաստ տպավորություն թողնելու համար շատ ժամանակ չի պահանջվի: Ինչ-որ մեկը կարող է առաջին հայացքից սիրահարվել ձեզ:
ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4։
ՋՐՀՈՍ (Aquarius, 21.I–19.II)
Աշխատեք սեփական փոքրիկ թուլությունների հանդեպ ներողամիտ լինել, ձեզանից չափազանց շատ բան չպահանջել: Ինչ-որ բան կարող է միանգամից չստացվել, մանր-մունր սխալներն էլ չեն բացառվում: Բայց նման դեպքերում դուք չեք վշտանա ու ձեզ չեք մեղադրի, այլ կշարունակեք առաջ շարժվել: Աստղերը խոստանում են, որ շատ շուտով իսկական հաջողության եք հասնելու:
Որոշ Ջրհոսներ հրաշալի լուրեր կստանան, որոնք կարևոր կլինեն և՛ իրենց, և՛ իրենց ընտանիքի անդամների համար: Հավանական են լավ փոփոխություններ մտերիմների հետ հարաբերություններում. տարաձայնությունների ու վեճերի առիթներ չեն լինի:
ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։
ՁԿՆԵՐ (Pisces, 20.II–20.III)
Օրը լավ կդասավորվի, եթե ինքներդ այն չփչացնեք չմտածված արարքներով կամ շտապելով ընդունած որոշումներով: Լուրջ բան ստանձնելուց առաջ երկար մտածեք ու խորհրդակցեք փորձառու մարդկանց հետ: Աշխատավայրում ոչ միանշանակ իրավիճակներ կառաջանան, ամեն անգամ հեշտ չի լինի կոլեգաների և ղեկավարության հետ լեզու գտնելը: Բայց ձեզ կհաջողվի հարթել բոլոր սուր անկյուններն ու խուսափել լուրջ կոնֆլիկտներից:
Հանգստանալու, պայմանները փոխելու, հետաքրքիր վայրերում լինելու հնարավորություն կունենաք: Ուղևորությունները լավ կանցնեն, եթե ձեզ միանան հին ընկերները:
ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4:
