Ռեփեր Քանյե Ուեսթը հայտնել է, որ իր դուստր Նորթը կօգնի իրեն տեսահոլովակ նկարահանել իր նոր՝ «Vultures» ալբոմի համար։
Ռեփերն Ինստագրամ սոցիալական ցանցում կիսվել է Ty Dolla $ign, Vultures-ի հետ իր նոր ստուդիական համագործակցության տեսահոլովակի վիզուալ աշխատանքով: Գրառման մեջ կիսված տեսանյութում լսվում է, թե ինչպես է Նորթը խոսում հոլովակի իր տեսլականի մասին։
«Ես մեքենայով գնում եմ իմ Lamborghini-ով բասկետբոլի պարապմունքի… Ես մի փոքր բասկետբոլի պրակտիկա եմ ունենում»,- սկսել է իր պատմությունը Նորթը: Այնուհետև նա անցում է կատարում երգերի բառերին՝ ցույց տալով, թե ինչպես են դրանք տեղավորվում Նոբու Մալիբուում ընթրիքի և պապարացիների դեմ կռվի տեսարաններում:
Ի դեպ, 10-ամյա Նորթն արդեն հասցրել է ինքն իրեն ճանաչելի դարձնել. անցած ամիս աղջիկն իր դեբյուտն է կատարել ռեփում։ Ալբոմի շնորհանդեսի երեկույթին նա կարդացել է մի հատված իր հոր նոր ստեղծագործությունից, որից հետո երկրպագուները սկսել են նրան անվանել «ռեփի արքայադուստր»: