Daily Mail-ի ինսայդերները պատմել են, թե ինչու է Քիմ Քարդաշյանը ընկերացել իր նախկին ամուսնու՝ Քանյե Ուեսթի կնոջ՝ Բիանկա Ցենսորիի հետ: Օրեր առաջ նրանց միասին նկատել են ռեփերի երեկույթին, ինչը մեծապես զարմացրել է համացանցի օգտատերերին։ Քիմի հետ եղել են որդին՝ Փսալմը և դուստրը՝ Չիկագոն։
«Քիմը մեկնեց Սան Ֆրանցիսկո, և, իհարկե, Քանյեն երախտապարտ էր նրան, դա գիտակցված ժեստ էր նրա կողմից»,- ասել է աղբյուրը։
Նախկին ամուսնու նոր կնոջ հետ հանդիպման պատճառն իբր եղել է այն, որ Քիմը հաշտվել է այն մտքի հետ, որ Բիանկան լինելու է իր երեխաների խորթ մայրը և որոշել է մտերիմ հարաբերություններ հաստատել նրա հետ։ «Քիմը չի գնացել այնտեղ Բիանկայի համար, բայց նա գիտեր, որ Բիանկան այնտեղ կլինի: Նրանք իսկապես շփվում են: Քիմը խոստովանել է, որ Բիանկան իր երեխաների խորթ մայրն է, և որ նրանք սիրում են նրան»:
Ըստ ինսայդերների՝ նախկինում չէր կարելի ասել, որ Քիմի և Բիանկայի հարաբերությունները ջերմ էին։ Քարդաշյանը դժգոհ էր, որ Քանյեն և Բիանկան անընդհատ աղմկահարույց սկանդալների մեջ էին ընկնում. նա չգիտեր, թե ինչպես դա բացատրեր երեխաներին։ Ավելի ուշ համացանցում քննարկում էին այն մասին, որ Քիմը, իբր, խնդրել է Բիանկային «ավելի փակ» հագուստ հագնել իր երեխաների հետ հանդիպումների ժամանակ։ Եթե նման խնդրանք իսկապես գոյություն է ունեցել, ապա Բիանկան կատարել է այն. Նորթ Ուեսթի հետ զբոսանքների ժամանակ նա ցույց չի տվել իր մարմնի հետաքրքիր մասերը՝ ի տարբերություն իր սովորական «մերկ» կերպարների։
Թե ինչպես է Բիանկայի հետ ընկերությունն ազդել Քիմի և Քանյեի հարաբերությունների վրա, դեռ հայտնի չէ. ռեփերը նախկինում վրդովված էր, որ Քարդաշյանն իրենց երեխաներին ուղարկել է էլիտար դպրոց, որտեղ, ըստ նրա, նրանք կվերահսկվեն «համակարգի» կողմից, իսկ սոցիալական ցանցերում նա պահանջել է նրանց հանել այնտեղից։ Քիմին դուր չէր գալիս, որ Ուեսթը հրապարակավ բացահայտել էր, թե որտեղ են սովորում իրենց երեխաները՝ դրանով իսկ վտանգի ենթարկելով նրանց։
