Փայտե դուռը, որի վրա ամերիկացի դերասան Լեոնարդո ԴիԿապրիոյի մարմնավորած կերպարը չի կարողացել տեղավորվել Ջեյմս Քեմերոնի «Տիտանիկ» ֆիլմում՝ նավի խորտակումից հետո, աճուրդում վաճառվել է 718 հազար դոլարով, գրում է Guardian թերթը։
«1997 թվականին «Տիտանիկ»-ի էկրան բարձրանալուց ի վեր, բուռն քննարկումներ են ծավալվել այն հարցի շուրջ, թե արդյոք սառցե ջրերում Ռոուզին (Քեյթ Ուինսլեթ) պահող փայտի կտորը կարո՞ղ էր տեղավորել իր սիրելիին՝ Ջեքին (Լեոնարդո ԴիԿապրիո): Այժմ մի երջանիկ տեսաբան կարող է ստուգել այս վարկածը, քանի որ փայտի կտորը աճուրդում վաճառվել է 718,750 դոլարով», – ասված է հրապարակման մեջ:
