Ամերիկացի հայտնի ռեփեր Քանյե Ուեսթի իններորդ ալբոմը՝ թողարկված հոկտեմբերի 25-ին, հայտնվել է Billboard-ի առաջին հորիզոնականում:
Ավետարանից ոգեշնչված «Հիսուսը թագավոր է» (Jesus is King) խորագրով ալբոմը նաև 9-րդ անընդմեջ ալբոմն է Ուեսթի թողարկածներից, որոնք հայտնվում են վարկանշային աղյուսակի առաջին հորիզոնականում:
Նշվում է, որ Ուեսթն այժմ Էմինեմի հետ կիսում է նույն ռեկորդը՝ ըստ Billboard 200 վարկանշային աղյուսակում աընդմեջ առաջին հորիզոնականում հայտնված ալբոմների քանակի: Billboard 200-ը ամեն շաբաթ գնահատում է Միացյալ Նահանգներում ամենահանրաճանաչ ալբոմները:
Ալբոմը նաև երկրորդ խոշորագույն ցուցանիշն է գրանցում՝ ըստ շաբաթական վաճառքի. ավելի քան 100 000 օրինակ՝ զիջելով միայն Post Malone-ի Hollywood’s Bleeding ալբոմին:
