Կալիֆորնիայի նախկին նահանգապետ, հայտնի դերասան Առնոլդ Շվարցենեգերին ու նրա որդուն՝ Ջոզեֆ Բաենային, նկատել են Լոս Անջելեսում միասին հեծանիվ վարելիս, գրում է Daily Mail-ը՝ հրապարակելով լուսանկարները:
Աղբյուրը նշում է, որ թեև իր տարիքին՝ 73-ամյա նախկին նահանգապետը հիանալի մարզավիճակում է եղել, ինչպես նաև նրա 23-ամյա որդին:
Նշվում է, որ Ջոզեֆը, որը գնացել է հոր հետքերով՝ դառնալով բոդիբիլդեր, ի ցույց է դրել իր հիանալի կազմվածքը՝ վերնաշապիկով քրտինքը մաքրելիս:
«Դուք պետք է լիարժեքորեն տրվեք և ԵՐԲԵՔ խորամանկության չդիմեք նրա հետ մարզվելիս, այնպես որ արդեն պատկերացնում եք, թե վաղը որքան է մարմինս ցավելու»,- կատակել է դերասանի որդին՝ իր հրապարակած լուսանկարին կից գրելով:
Մինչ կինոաստղ, այնուհետև քաղաքական գործիչ դառնալը, Շվարցենեգերը բոդիբիլդինգի չեմպիոն է եղել իր հայրենիքում (Ավստրիա) և հայտնի է եղել Ավստրիական կաղնի մականունով:
