Spotify-ը հայտնել է հարթակում ամենահայտնի արտիստի անունը։ Նախկինում ցուցակը գլխավորում էր Ջասթին Բիբերը, բայց այս անգամ The Weeknd-ը շրջանցել է նրան։
Իր նոր՝ Dawn FM ալբոմը թողարկելուց հետո երգչի ունկնդիրների թիվը կրկնապատկվել է և հասել 85,6 միլիոնի։
Մեկ տարուց ավելի է, ինչ շատերը սպասում են The Weeknd-ի նոր ալբոմին։ Ձայնասկավառակի շապիկին The Weeknd-ը հայտնվել է ալեհեր մազերով ու կնճիռներով ծերունու կերպարանքով։ Ալբոմի վրա աշխատելու հրավեր է ստացել նաև դերասան Ջիմ Քերին։ «Դուք լսում եք 103.5 Dawn FM. Դուք չափազանց երկար եք մթության մեջ: Ժամանակն է քայլել դեպի լույս և գրկաբաց ընդունել ձեր ճակատագիրը»,- ասվում է Dawn FM-ում:
